طعم اليتم
ما حسيت طعم اليتم
إلا بروحتچ يُمة
اثاري البشر من مخلوگ
وياه ينخلگ همة
عفتيني بسما بلا جناح
وانة بعازة النسمة
ينخلّني الحزن وارتاح
وعلى محياي چم بسمة
مثل سكران حالي صار
ما ينشّد عن اسمة
ترة الفاگدلة خِل يموت
كلما گلب بهدمة
مو صورة تحسها أسرار
قصة وماكو كل قسمة
وين اندار حتة الگاچ
وجهچ يتضح رسمة
وين الگاچ وحچيلچ
انعزل اللحم عن عظمة
وينچ يا سدر بالدار
مهطل خيرة يم جدمة
وينچ يا لغز بالكون
محد يگدر يفهمة
وينچ يا شعاع النور
المحد يگدر يلزمة
وينچ يا بشر حساس
يشتد بلأسر عزمة
العمر الماكو انتي بي
هذا الضيعوا علمة.
............
جبار البركي الحچيمي
تعليقات
إرسال تعليق