بوكيه ورد/بقلم علي عبد الرحيم محمد
-------
مبرووك ياعشق السنين
ومش حابب اسمع رد
ولا أحس بدقك الحزين
ولا اشوف دموع ع الخد
بوكيه ورد للورد
وفل وياسمين وننى العين
لااجمل ياسمين
فى ليلة عرسها
بس ارجوكى قبل الوداع
قبل الوجع والضياع
خلي عنيكى تخدنى ف حضنها
خلي ايديكى تودعنى بلمسها
خلي لياليكى تزرعنى ف ارضها
عشان عمرى تانى ما هاحب حد
بوكيه ورد للورد
كوشه وفرح ومعازيم وانوار
ودق القلب المخدوع من نار
وعزول ف ملامحه حيرة وغيرة السؤال
وهى سما عنيها بتتكلم سيول وامطار
مش حابب اسمع رد
ولا احس بدقك الحزين
ولا اشوف دموع ع الخد
بوكيه ورد. للورد
زغروته للقلب اللي الزمن عليه دار
زغروته للي اتكحلت من ليلي لغيري
وسابتني اشرب كاس ويلي
واتوه ف وسط الرياح والاعصار
وشربات بطعم الوداع والاهات والمرار
مش حابب اسمع رد
بوكيه ورد للورد
سمع هوس اجدع سلام
للقلب اللي باع حب السنين والايام
اجدع سلام
للقلب اللي خان العهد وعلمنى يعنى
ايه غدر وانانيه ودوقنى طعم الالام
اجدع سلام
للحب الكداب وللاوهام والاحلام
وللوعود المجنونه واللي زيها
مش حابب اسمع رد
ارجوكى قبل الوداع قبل الضياع
خلي عنيكى تخدنى ف حضنها
عشان عمرى تانى ما هاحب حد
بوكيه ورد. للورد
ياسمين. ياسمين
مين فينا اللي باع مين
وزرع الفراق والضياع
وأهات النبض الحزين
قولى مين اه مين
مبروك ياعشق السنين
ومش حابب اسمع رد
ولا احس بدقك الحزين
ولا اشوف دموع ع الخد
بوكيه ورد. بوكيه ورد
كلمات على عبدالرحيم محمد
تعليقات
إرسال تعليق