شلي بالعمر وأنه مجنونك ؛؛؛؛الشاعر المتألق براق فيصل الحسني
قصيدة ( شلي بالعمر وأنه مجنونك )
شلّي بالعمر وأعيش مخنوگ من دونك
وحياتي قهر وأحلف خليهم يخبرونك
عوضتني أحلى سنين عمري بحياتك
صدگني حياتي رتيبة ومملة بلياك وعيونك
يا الرحت وأخذت الگمر ونجومي وياك
عمت عين الگاع الرضت بيها يدفنونك
بقت كل الاماكن ظلمة لو رادو يوصفونك
ضوه دنياي الجميلة منورتها بحلاوة فنونك
بلا موعد وتدبير ترحل بلايه وداع سفرتك
ما أظن بعد ترجع بيد الله لورادو يرجعونك
وشما مر وكت حبك تجدد وي خلايا الروح
زرعك اشگد جميل ودوماً بالطيب يذكرونك
هواي ناس زارتلك وصلتلك نيابة وتعتمرلك
خيرك سابقك بهواي شما رادو يسبقونك
أحسك عايش وياي بروحك وأنفاسك وعطرك
صورك بالبيت وتبقى ضحكتك وأنه مجنونك
براق فيصل كاظم الحجاب الحسني
٤ آب ٢٠١٧
تعليقات
إرسال تعليق