امسحى دموعك ؛؛؛؛الشاعر المتألق اسامة فؤاد حنا
قومى كلمات اسامة فؤاد حنا
امسحى دموعك
يا صبية
وقيدى قناديلك
و نورى شموعك
يا مصر يا بهية
يا غنوة حلوة شجية
انا من نبت ارضك
وعمرى ما خرجت
عن طوعك
ما احلى اعيادك
ولمة ولادك
فى رمضان
وفى عيد الميلاد
ولا الغطاس
مع العيلة
وويا الناس
يا لحن وموال
يا مهرة اصيلة
عفية
والجدع خيال
فيكى المنارات
والمداين
والصليب يحضن هلال
ما احلى عشة
على ضفة نيلك
حصيرة وفرشة
فى سحر ليلك
والاشية معدن
والحالة عال
يا جناين ورد وفل
وقعدة طرية
ساعة مغربية
تحت شجرة ليمون
او فى الضل
واتوه فى الذكريات
كانى باشا
من الباشوات
وافتكر خيرك
وانسى الذل
ويمر الزمن
وتروح بلاد
وتنتهى اجيال
وانتى يا مصر
على ده الحال
لا يهزك ريح
ولا بركان او زلزال
صامدة
وثابتة زى الجبال
وفى المحن والازمات
اقوى من ابو الهول
وشموخ الاهرامات
يا بلد الهرم
والجود والكرم كلمات اسامة فؤاد حنا
تعليقات
إرسال تعليق