حجر الرحايه/بقلم الشاعر علي عبد الرحيم محمد
؛؛؛؛؛؛؛؛؛؛؛؛؛؛؛؛؛؛
باخاله لفي حجر الرحايه
وأطحني كل مشاعري وغنايه
يمكن اعرف اعيش ف وسط البشر
يمكن اعرف امشي ف شوارع الخطر
والاقي فرح للحزن اللي جوايه
يا خاله لفي حجر الرحايه
وخدي ريحتي ومنديلي
وادعيلي تبعد مواويلي
والحظ اللي هجرني يجيني
يفتح أبواب منايا وهنايا
يا خاله لفي حجر الرحايه
ََََواطحني كل مشاعري وغنايه
يمكن اعرف اعيش ف وسط البشر
يمكن اعرف امشي ف شوارع الخطر
والاقي فرح للحزن اللي جوايه
ياخاله. ياخاله
اديني ب سنتين من عمري حظ
اعيش بيهم ف قلبهم وعنيهم
اصل حبايبنا خلونا بدرى شيبنا
خلونا من كاس الحرمان شربنا
وقلوبهم يا خاله ما ب تحس
يا خاله. اه ياخاله
وزاي انا اللي بابيع السعاده
للخلق يا خاله
وعمرى ما عشت لياليها
وزاى انا اللي ببني بيوت للحب
وكاالعاده
عمري ماسكنت لحظه فيها
وزاي يا دنيا ماحستيش
انك ظلماني من اول مره
شفتك فيها
عزايا اني بعرف اعبر
عن دقات الحزن اللي جوايه
ياخاله لفي حجر الرحايه
وأطحني كل مشاعري وغنايه
حجر الرحايه
كلمات على عبدالرحيم محمد
تعليقات
إرسال تعليق