في عيدك يا أمي)./.الشاعر احمد العدل
........(
......
****
ولادي دنيتي عمري
في نن العين شايلاهم
أربيهم واكبرهم
ويكبر عمري وياهم
أسعد لما بلقاهم
عناية الله بترعاهم
يارب أعيش وأنولها
تفرحني كدا معاهم
بيملوا علي أيامي
حتى في نومي سمعاهم
وبافرح من صميم قلبي
طول ما عينيه شيفاهم
***
أنا عايش على حبك
وبرضع من سنين عمرك
وقولة الآه تنسيكي
حلا الدنيا يزيد حزنك
أنا بارتاح على نبضك
في دقاته جمال لحنك
ياست الكل مين زيك
ومين يقدر يشيل همك
***
وآه من دنيا تحلالي
وأنا نايم علي همسك
وآه من جمال قلبك
ورقة ضمتي في حضنك
وويايا يطول صبرك
وروحي هي من دمك
ياعمري ودنيتي بيكي
ننول الجنة من ربك
***
ومن غيرك رضاها
من رضا الرحمن
حنانك هو دا مرايتي
وصوتك هو لي أدان
ويكفيني هوا روحك
يخليني أعيش في أمان
دا رب الكون ذكرفضلك
وخصك من بني الإنسان
***
أمي دا احنا من غيرك
أكون تايه حزين حيران
في قلبك حب رباني
يا أجمل وردة في البستان
حماكي الله ورعاكي
يانبع بيعطي نور وحنان
لكل الناس توصيني
تخص الأهل والجيران
***
كنت أنام وألاقي إيديها
تمسح لي على جسمي
تداويني وترقيني تغني لي
تحسسني بجمال إسمي
ولماكنت أتأخر في مدرستي
يغيب النور من شمسي
أبات الليل في أحضانها
وتشغلني بحدوتة تونسني
***
يارب الكون تحميها
وخد من عمري واعطيها
وتسعدها بسعادتنا
دا إحنا كل من ليها
أمي هي فرحتنا
لما نكون حواليها
دي جنتنا ودنيتنا
يارب الناس ترضيها
****
الشاعر/ أحمد العدل
تعليقات
إرسال تعليق