// خليتني أحبك// الشاعر عبد الصمد عبده//
من ديوانى (خليتنى أحبك ..)
خليتنى أحبــك واحلف إنى // ما حبيت أبداً زيك حـــد
وسكنت فقلبى وعقلى وروحى // وكنت بحبك والله بجـــد
كنت بدوب لما اسمع صوتك // وافهم كل معـــانى سكوتك
عشت فحبك أحلى سنينى // زرعت فى قلبـــك كل حنينى
كنت بغير لو شافك حد // خليتنى أحبك.. والله بجـــد
دقت جمال الحب معــــــاك // واحلف إنى ما عمرى أنســاك
انت منايا وكل ماليــــــا // لو شفتنى تفضحنى عنيـــا
أجرى عليك و أضمك ليا // لهفة شوق وكمان حنيه
حبى يزيد وشموعى تقيد // عمرى هعده معاك دا أكيـد
من دلوقتى راح يتعد // خليتنى أحبك .. والله بجـد
كنت بشوف الدنيا جميـلة // لما الاقيك فرحان وسعـيد
وافضل أفكر وأعمل حيـلة // فكل دقيقة حنينى يزيـد
حتى مرار الحب مسكـر // دقتة معاك وأخاف يتعكــر
عارف إنى بحبك أكتـر // لما بقرب منك بسكـر
وافتح كل طريق ينســد // خليتنى أحبك .. والله بجد
خليتنى أحبك حب مافيـــش // فى الدنيا زيه ماثيــــل
وفضلت افكر واسمع كل اغانى // الحب وعقلى يميــــل
اسرح واتمنى انى اشوفـك // دا جمالك باين فى كسوفـك
ف بعـــادك شئ بيحيرنى // أحاسيس قربــك بتغيرنــى
زى النار لما بتشتــد // خليتنى احبـــك والله بجــد
كل كلام الحب حفظتة // لما كتبتة فى عنـوة جديدة
لحن فقلبى بحبى رسمته // عارف إن الدنيا عنيـدة
مش ح أنساك لو يوم تنسانى // لو بعتنى اشهد يازمانى
اوعى تفكر يوم تجرحنى // وبلاش تبقى انت الجانى
أملى ف لحظة معاك ينهد // خليتنى أحبك.. والله بجد
زجل الشاعر/ عبدالصمد عبده ــ
عضو اتحاد كتاب مصر وعضو رابطة الزجالين وكتاب الاغانى
تعليقات
إرسال تعليق