قولي وربك بقلم الشاعر طارق علي حسن
قولي وربك٠
هي النجوم في الأصل عيونك٠
ولا هي ضحكة جنونك
ولا اللمحة الحنونة دي ملامحك ٠
وربك٠٠٠٠٠
ماتخبي عني
متي شمس شروقك٠
وغروبك صحيح هيطول٠
هشوفك تاني٠
ونحكي ونشاور علي
اللي جاي واللي رايح٠
واسرح في لون خدودك
وجمال عيونك وطول رموشك٠
وتفاصيل فستانك
وسماع دلال حروفك٠
وأخدك وأدور وأقدامنا تشوت الموج٠
ونتسمع وشوشة البحر
ونلمح من عوازلنا نظرة حسد٠
ومصمصة الشفايف و كلام يقولوه
أولاد مش متربيين ٠
وربك٠٠٠٠٠٠٠
أنت من أهل الأرض
يعني بشر مثلنا
ولا طيف
هرب من الجنة
ولا حلم
ليل وشوية هيمشي لبعيد
وتغيبي زي أهلينا ماغابوا وفاتونا٠
وربك٠٠٠٠٠٠٠٠٠
حقيقة أنت أم خيال
ولا أصبحت من المجانين
وبقيت بك مسكون٠
طارق علي حسن
تعليقات
إرسال تعليق