سامعني // بقلم الشاعر سمير جوهر
سامعني؟
نعم سامعك
بحبك
وانا كمان بحبك
وعايز اكونك
اتلون زي لون عيونك
وارحل ليك جواي
شايل معاي كل افراحي
واحلام الزمن الجاي
يمكن اقدر اداوي
جرحي الفيك
ما انتي فرحي
وجرحي جرحك
الالم البينا يتجسد
عذاب انسان يعاني
البعد في قربك
عايز اكونك
في مدى عينيك انا مسافر
اجوب الماضي والحاضر
وبين ايديك أخت آخر الزاد
وكل عشمي في يوم باكر
بحبك
عايز اكونك
سمير جوهر
تعليقات
إرسال تعليق