همسة حب بقلم الشاعر المتألق علي عبد الرحيم محمد
همسة حب
٠٠٠٠٠٠٠٠٠
أبعد عنها يا ألم
واكتب عنها ياقلم
حبيبة كل الدقات
طبيبة كل الأهات
هيه عمري اللي جاي
هيه أملي وكل مناي
هيه عوض عمري اللي فات
وهدية القدر للقلب اللي اتظلم
واكتب عنها ياقلم
واه ابعد عنها يا ألم
غزلت لها من احساسي
فرحة طايرة مع النجوم
فرحة خالية من الهموم
وشربت من عشقها كاسي
وحسيت من ودها كل ناسي
انا اللي طول عمري بقاسي
اول فرحة قلبي كانت اليوم
خديني ف حضن لياليك خديني
عطشان ضحكة عنيك اسقيني
همسة الحب اللي بينك وبيني
داوتني ونستني سنين الندم
وابعد عنها يا ألم
واكتب عنها ياقلم
معبد السعاده اللي نسيته
ف جنة روحك بناني وبنيته
دواني ونساني احزاني وداويته
عشانك الحب انا هاويته وحبيته
تعالي نزرع السعاده
يا أرض السعاده
لكل روح ونبض قلب اتحرم
وابعد عنها يا ألم
واكتب عنها ياقلم
حبيبة كل الدقات
طبيبة كل الأهات
وهدية القدر للقلب اللي أتظلم
وأبعد عنها ياألم
واكتب عنها ياقلم
همسة حب
بقلم على عبدالرحيم محمد
تعليقات
إرسال تعليق