تيجي نبيع للشاعرة نسيم الزهور
تيجي نبيع
( قصيدة بالعامية من وحي الاغنية اتمنى ان تنال رضاكم)
تجي نبيع
كفايانا هجر ولقاء
كفايانا دا العمر
مننا بيضيع
تجي نطيع عقلنا
نحزم امرنا....ونبيع
ماهو ياما زمان بعنا
بس بنرجع ونشتري
ومن ثاني بنحب بعض
وآخرتها بنصيع....
كنا تملي صغار
كنا بنعاند ونكابر
عشان نعرف
من المهاجر فينا
ومين الانصار......
كان الحماس والعناد بياخذنا
لسكة شوك بس بيها شوق وانوار
كثير او سألتك
وانت بردو سألتني
ليه انت شاري وانا شارية
ليه الدنيا بتلعب بينا
وقلوبنا دوما حايرة...
كفاية مرمطة....
احنا اكيد مش لبعض
طب لما احنا مش لبعض
ليه قلوبنا للحب شارية
ليه الدنيا من غير عيونك
أرض بايرة
ليه النبض دقاتو
تبق نسمة تروي الروح...
ليه بحس اني زي الفراشة
عايزة اطير هنا وهناك
ليه بحس انك شجرة
وان مكاني فيك عصفورة...
بتداري على عشها مهما هبت الريح
تيجي نبيع...
انا تعبت...
مانبيع احنا الاثنين
مش احنا لا اول
ولا آخر عاشقين
في الحب مفلسين...
بس انا مابحبش التطبيع
فازاي أبيع....
بيع انت....
بيع أنت....
وانا اشتري بالغالي
رخصي منك
بس أنا مش حبيع......
نسيم الزهور
تعليقات
إرسال تعليق