طفولتنا البريئة // بقلم الشاعر الغنائي سامي الماحي
( طفولتنا البريئه )
طفولتنا البريئه وأحلامنا البريئه
وأيامنا البريئه مبتتنسيش مبتفارقنيش
والسؤال
ليه انتهت كل القصص
وقصتنا مبتنتهيش
ليه يا اجمل طفوله ف قلبي
زي ما انتي مبتكبريش
صورتك حوليا وجوايا مبتغبيش
قوليلي اعمل ايه ف هوايا مكبرنيش
زي ما احنا قلوب بريئه
خيال وف الواقع حقيقه
قوليلي نجيب منين طريقه
ننسي بيها اللي فات
نمحي بيها الذكريات
الماضي لو بجد مات
قادرين ازاي بيه نعيش
طفولتنا البريئه كبرتنا
بس زي ما احنا خلتنا
صغيرين بقلوب صافيه
قلوب مليانه حنان ودافيه
بتقول الحب مش بالعافيه
بنقول يا ناس عيشوا زينا
خدوا الحب مننا
الحلم اللي حلمناه من صغرنا
نفسنا كل الناس بيه تعيش
طفولتنا البريئه مبتنتهيش
( سامي الماحي)
تعليقات
إرسال تعليق