الحب في سطور // الشاعر مهدي نايف الياسري ال مناف

الحب في سطور

   شعر شعبي

اظل بالهوى دوم  اكتب أهات

وعلى روحي تمر انسامها مشوار

وخل كلبي يتغزل بيهم اليوم

 ولا ظل بدربهم هايم ومحتار

ياموسم خريفي اوراقك اشتات

وانا باقي بالهوى اتحمل ازوار 

ماترك هواهم وأنسى الايام

وتمر بخاطري ذكراهم إشعار 

واكتبها بليلة شوك واحلام

وارسم صور الها تبقى تذكار

وأدخل خيمة الدخان وابجي

على فراق الحباب التركو الدار

شفت الضعن يوم الحمل وشال

عمل بينا الزمن خلانا طشار

ونسيم الهوى بالروح باقي

على طول الوكت يعزف عاوتار

يكلبي اشبيك ترفس بي ماترحم

وهي اهنا عندي اليوم خطار

اهي بانت علي موصحو دنياي

مغيم ياكلب اشكثر بيك امطار

معقول الكلب لليوم يتغزل

مو راح العمر مابقي بس اشبار

بكل خطوة الهوى  وياي ساير

معشعش بالكلب باقي وي السرار

يكولون البجي ايريح الروح

وانا دمعي ع الوجنات انهار

وي الروح ساكن ياهوى دوم

تلهج بيك صارت ليل ونهار

زمن محدود هي وترحل الروح

ويبقى الهوى بالدنيا دوار

مهدي نايف الياسري ال مناف

اوهايو في 28 / 2 / 2019