جانا زمان يخوف // مريم الشاعرة المغربية

قصيدة شعبية الزجل المغربي....

 جانا زمان يخوف...

زمان يقولوا عليه غدار..

ناس تايها بين ليل ونهار...

جيل غير جيلنا...

ما عرفنا منين جانا...

كلشي أصبح متوحش...

لا أخلاق لا دين...

لا من يحشم...

الولد تتكلم معاه ...

يغلبك في لكلام...

تقولوا كون تحشم .....

يقولك كان زمان...

ما بقا فيه حياء ولا حشمة...

ما بقات جورة تما...

طلع لينا زمان يخوف...

واش هو الي يخوف؟...

ولا ناسوا لي توحشت وضيعت دينها....

ما بقا خوف من الحنان المنان...

ما بقات حكمة بين الأقوام...

ماعادت ألبنت بنت ألدار...

ولا عاد ألراجل ولحكام....

.كل ضاع في واد ألحرية....

كل تجرأ عليك وعليا...

ضاعت عزة ألنفس وألكرامة...

ضاعت معاها حاجات كريمة...

ياويل زمان غريب علينا...

أشكون ألي وصلنا لهاد لغبينة...

ألولد يطول ألشعر. ويحسن ألحاجب....

وألبنت تضربها بتحزيمة ...

 ولات ألجريمة شانها عظيمة...

يارب ألطف بينا من هاد لغبينة...

وخرجنا من ألدنيا بلا ذنوب ولا غريمة...

بقلم...مريم أحمد مريم الشاعرة المغربية