ومش فاكرة بقلم الشاعر المتألق محمد السعيد
ومش فاكره
حنين قلبي
سنين عدت وماسألتيش
ومش فاكره
خيال شاعر فى كل قصيدة رسمك طيف
انا الشاعر انا المذكور على شفيفك حنان
ضحكة ما وصلتليش
كتير كان العذاب منك وبوح قلبك حنين صامت
مافسر ليش
فضلت اكتب قصايد ليكى اعيش بيها واتحمل
واقول يمكن ماحبيتنش
واقول الدنيا لو سمحت اكون قمرك ولو تخاطيف
انا الشاعر انا المصلوب. فى دقاتك
ومكتوب لى اكون راهب اكون قديس
احبك حب من ربى
وقادر ربى يجمعنا فى جنة نعيش
كتير قالوا بانك انتى مخلوقه ونهرالحب عندك زيف
وان البسمة فى عيونك دموع تماسيح
وان الدقة لو طربت نغم ساذج
مايطربنيش
كثير قالوا كلام عنك ماصدقتش
وكدبت الكلام فيكى برغم الجرح
كان أملى أصدق نفسى ان عينيكى
فيها بعيش
اصدق نظرة بتاخدنى بتوعدنى
بان الدقة فى قصايدى نغم ساحر
كتير طبطب على قلبك
و كحل كل همساتك غنا وتفاريح
ومش فاكرة
حنين قلبى وانا فاكرك
ومانسيتكيش
صحيح الحب كان نظرة
وشوفتك قبل ماتشوفينيش
وحبك قلبى بالفطرة
ملكتى فى كل سطر حديث
فلو كل القلوب دقت
بغير نبضك ماتسعدنيش
انا حب الربيع لخريف
انا حابب اكون وردة
طارت لاجلك فى همسة ريح
انا بسأل كتير عنك
وانتى علي ماسألتيش
انا الشاعر وكام مرة
كتبك شعر فى قصايدى
بقلب جريح..وبصيتى
ماعلقتيش
محمد السعيد....بورسعيد.....
تعليقات
إرسال تعليق